មហាជន ក៏ដូចជាបណ្តាអ្នកសិល្បៈមានការភ្ញាក់ផ្អើល ខណៈគេឃើញ លោក គួច ខេវិន ដែលជាផលិករកម្មវិធីទូរទស្សន៍ល្បី មួយរូប បានចេញមកបង្ហោះសារ ដាក់ចំៗ គ្មានទុកមុខ រឿងបេក្ខភាពបវរកញ្ញាជាប្រពន្ធចុងគេ ។

ក្នុងនោះយោងតាមគណនីFacebook ផ្លូវការរបស់លោក Kevin Kouch ដែលបានផុសនៅវេលាម៉ោង១១ និង៥៧នាទី ព្រឹកថ្ងៃទី១៩ ខែមិថុនា ឆ្នាំ២០២២ បានសរសេរទាំងស្រុងថា ៖ « កុំតែមានច្បាប់គ្រប់គ្រង"អាស៊ីត"បានល្អ កុំអីករណីស្រីល្អឈូរឆបាក់ ក ទៅទាក់ប្តីគេ ម្លេះអាចត្រូវរងការវាយប្រហារជាយថាហេតុ ព្រោះតែកំហឹងដោះស្រាយបញ្ហាដូចពេលមុនក៏មិនដឹង?។ បើទោះណា ជាមានមនុស្សម្នា ជាច្រើនបានជេរប្រមាថ ប្រទេចផ្តាសារ ទៅលើបេក្ខនារីបវរកញ្ញាចក្រវាឡពាក់ស្លាកលេខ៧ នាងសុគន្ធ ចរិយា ដែលចូលខ្លួនទៅបង្កើតស្នេហាត្រីកោណ ជាមួយប្តីគេ តែក្រោយមកក៏ធាក់ក្បាលបុរសនោះចោទៅវិញ ធ្វើឲ្យប្រុសចែកវេនរួមគ្រែនោះក្តៅក្រហាយ តាមឆាឆៅមិនឈប់ ។ ប្រុសល្មោភតណ្ហា ក៏ត្រូវគេដៀលត្មិះថា ជាអាពពែយារពងចង់មិនចេះឆ្អន់ទោះជាមានកូនម៉ាកន្ទេលទៅហើយក្តី ។ ស្របនឹងការជេរត្មិះ តិះដៀល វាក៏លេចចេញនូវក្តីអាណិតអាសូរប្រពន្ធដើម បើទោះត្រឹមបានតែសែនព្រេន រួមរស់បង្កើតកូនពូនចៅក៏ដោយ អាណិតត្រង់ថា សុខចិត្តឲ្យប្តីនាំស្រីមកនៅរួមដំបូលផ្ទះ ហើយចែកវេនគ្នាឲ្យស្រីនោះរួមគ្រែរួមក្នើយ ជាមួយប្តីយ៉ាងរំ ភើយ(បើតាមសម្តីនាង) ។ ស្រីល្អឆើតឆាយតែសំបកកាយ ឯចិត្តអបលក្សណ៍ទៅទាក់ប្រុសធ្វើជាសហាយស្មន់នឹងប្តីគេ ឯប្រុសចិត្តរេ ក្បត់ផិតប្រពន្ធក្រោមលេស ថាលង់ខ្លួនថយក្រោយមិនកើត ត្រូវគេត្មិះតិះដៀលយ៉ាងណាក៏ដោយ ក៏ស្រេចតែចិត្តអ្នកជេរទៅចុះ ? ចំណែកខ្ញុំមានចិត្តអាណិតសង្វេគពួកគេទៅវិញ ! អាណិតនាងប្រពន្ធដើមដែលមានចិត្តថ្លើមប្រដូច"ព្រះ"ឲ្យប្តីយកស្រីចូលមកក្នុងផ្ទះចែកឲ្យជ្រះឲ្យច្រំសព្វសារ ពើ នេះម៉្យាង។ ម៉្យាងវារិតតែអាណិតបុរសជាប្តីល្ងីល្ងឺ មើលឃើញងងើកភ្លើងថាជាគ្រាប់ស្ករ អាណិតស្រីល្អខ្វះប្រុសទំនេរ ឆ្ងាញ់តែប្តីគេព្រោះតែទ្រព្យ អាណិតត្រង់ថាវាគ្មានស្គាល់គុណធ៌ម គ្មានសិលធ៌ម សូម្បីបន្តិចណាសោះ វាល្ងង់ពេក ហើយចេះមកដោះសារលីលាយកត្រូវរៀងៗខ្លួន។ បើវាចេះតែប៉ុន"គ្រាប់អំបិលម៉ដ្ឋ" ក្រឡេកទៅមើលច្បាប់ឯកព័ន្ធភាព វាមិនឆ្កួតរហូតបែបនេះឡើយ??នេះមិននិយាយដល់ការជ្រើសជ្រាវរាវរកបវរកញ្ញាកណ្តាលលំហរដប់ថ្នេរក៏ចូលទៅប្រកួតបាននោះផង??? ឱ!សិលធ៌មខ្មែរ អ្នកទៅដល់ណាហើយ? បានជាពួកមានភ្នែកអត់ប្រស្រីរកអ្នកមិនឃើញ???អាណិតនោះហៅមហាអាណិត!!! 4141ផង » ។ ទាំងនេះគឺជាការលើកឡើងរបស់លោក គួច ខេវិន ៕