មហាជនអ្នកលេងបណ្តាញសង្គមច្បាស់ជាបានឃើញហើយ កាលពី២ថ្ងៃមុន អតីតភរិយារបស់លោកជីង ចក់ ដែលជាអ្នកអត្ថាធិបាយបាល់ទាល់ល្បីម្នាក់ បានលេចមុខធ្វើសន្និសីទកាសែត និយាយពីរឿងដែលខ្លួនត្រូវ លោក ជីង ចក់ ប្រើហិង្សាមកលើខ្លួនជាបន្តបន្ទាប់ និងបានដាក់ពាក្យបណ្តឹងទៅកងរាជអាវុធផងដែរ ពិសេស នាងអះអាងថា លោកជីង ចក់ អាងខ្នង អំណាច ហើយរឿងនេះមិនមែនជារឿងសម្តែងទេ តែជារឿងពិត ថែមទាំងបាន ឆ្លើយតបនឹងសំណួររបស់អ្នកកាសែតថា នាង មិនធ្លាប់បានស្គាល់ថា Admin ជីង ចក់ ជាអ្នកណា ឬក៏ជាអ្នកល្បីពីមុន មុនទាក់ទងគ្នានោះទេ ថែមទាំងសុំឲ្យសម្តេចតេជោ ជួយចំពោះរឿងនេះថែមទៀត ។

ក្រោយឃើញអតីតប្រពន្ធ ចេញមុខធ្វើសន្និសីទកាសែតបែបនេះរួច គេហាក់ឃើញភាគីម្ខាងទៀត ដែលជា លោក ជីង ចក់ បានចេញមកតបយ៉ាងខ្លី តែចាក់ដោតចិត្តមហាជនថា « ជីង ចក់ គ្មានខ្នង គ្មានខ្សែរអីទេ! តោងលើជញ្ជាំងមិនចង់ជាប់ផង » និងបានបង្ហោះទៀតថា « ប្រពន្ធសម្លាញ់បងអើយ រកពេលសម្រាកដេកពួនខ្លះទៅ ម៉ោង៣ជាងជិតភ្លឺហើយនៅឆ្លៀតមកLiveបានទៀត! Live ហើយលុបវិញតាដែលLiveធ្វើអី? គេSaveទុកអស់ហើយ My Love » ទោះបីជាយ៉ាងណា រឿងរ៉ាវរវាងអ្នកទាំង២ មហាជនមួយចំនួនកំពុងមានការចាប់អារម្មណ៍តាមដានយ៉ាងខ្លាំង ទោះបីជាមានមហាជនខ្លះលើកឡើងថា ជារឿងអត់ប្រយោជន៍ក៏ដោយ តែពេលឡាយម្តងៗ ចំនួនអ្នកចូលមើល មិនចេះតិចនោះទេ ៕