នាយ ក្រូច គឺជាតារាកំប្លែងមួយរូប នៅក្នុងក្រុមកំប្លែងរបស់ នាយ ពែក មី ដែលជាតារាកម្លែង ដ៏ល្បីល្បាញនៅកម្ពុជា បានទាក់ទាញការចាប់អារម្មណ៍ពីមហាជនមិនតិចនោះទេ តាមរយៈទេពកោលសល្យសមត្ថភាពសម្តែងរបស់ខ្លួន តាំងពីឆ្នាំ២០១០ មកម្ល៉េះ ក្រោយការដុះចេញពីទ្រនំរបស់CTN ដែលលោក អះអាងថា ជាផ្ទះរបស់ខ្លួន ដែលផ្តល់កំណើតនិងធ្វើឲ្យលោកមានភាពល្បីល្បាញមកទល់សព្វថ្ងៃនេះ ។

កន្លងទៅ នាយ ពែកមី ធ្លាប់បានប្រកាសថា លោកនឹងចាកចេញពីCTN ហើយក្នុងនោះមិនមែនមានតែ នាយ ពែក មីទេ គឺមានទាំង នាយគ្រឿន លោកតាវិចទ័រ នាយក្រូច ផងដែរ សូម្បីតែពិធីករអត្ថាធិប្បាយបាល់ទាត់ ក៏បានចាកចេញពីCTNផងដែរ ។

កាន់តែច្បាស់នោះ នាយក្រូច បានបង្ហោះវីដេអូ បញ្ជាក់ជាផ្លូវការថា « ថ្ងៃទី 01/01/2010 ជាថ្ងៃដែលខ្ញុំប្រឡងជាប់នៅCTN ថ្ងៃទី 29/06/2022 ជាថ្ងៃចុងក្រោយ ដែលខ្ញុំដើរចេញពីCTN ជួយជួលកំប្លែង និងអកកេសខ្ញុំផងបងប្អូន » (ដាក់វីដេអូ)

សូមបញ្ជាក់ថា បើតាមការបញ្ជាក់របស់នាយ ពែកមី កន្លងមក បានលើកឡើងថា ការចាកចេញរបស់ក្រុមកំប្លែង ជាបន្តបន្ទាប់នេះ គឺដោយសារតែមិនពេញចិត្តនឹង អ្នកដឹកនាំថ្មីជនជាតិឥណ្ឌា ដែលគៀបសង្កត់ពេក តឹងរឹងពេក ដែលចូលចិត្តSave បុគ្គលិក ហើយការចាកចេញរបស់ក្រុមកំប្លែងនាយពែកមី នេះដែរ ក៏ធ្វើឲ្យមហាជន សម្តែងការសោកស្តាយផងដែរ ៕