តារាចម្រៀង រួមទ្រនំ ក្នុងផលិតកម្មរស្មីហង្សមាស ប៉ាច គីមមួយ និងលោក សយ រតនៈ បានបើកបង្ហាញភាពផ្អែមល្ហែម បើកចំហរពីទំនាក់ទំនងស្នេហា ជាមួយគ្នា ជាបន្តបន្ទាប់ នៅមួយរយៈចុងក្រោយនេះ បន្ទាប់ពីភាគីទាំងសងខាង នៅបន្តទាក់ទងគ្នាបែបស្ងាត់ៗ តែក្រោយពីបើកបង្ហាញឲ្យមហាជន ក៏ដូចជាបណ្តាហ្វេន បានដឹងហើយនោះ ក៏ឃើញមានការគាំទ្រ អ្នកទាំង២ផងដែរ ។

ជាក់ស្តែង នៅព្រឹកថ្ងៃទី១ ខែកក្កដា ឆ្នាំ២០២២នេះ មានការភ្ញាក់ផ្អើល ស្ងាត់ៗស្រាប់តែ ប៉ាច គីមមួយ និង សយ រតនៈ ភ្ជាប់ពាក្យជាមួយគ្នានៅព្រឹកនេះ តែម្តង ដោយគណនីFacebook របស់លោក សយ រតនៈ អនាគតកូនកំលោះ បានបង្ហោះដោយផ្ទាល់ ជាមួយរូបថតជាច្រើនសន្លឹក និងមានភ្ញៀវ ក៏ដូចជាតារាល្បីៗ ចូលរួមជាច្រើន ផងដែរ ដើម្បីជូនពរដល់អ្នកទាំង២ ៕