សិល្បៈ ៖ មហាជនបានជ្រាបហើយ កាលពីរសៀល ថ្ងៃសៅរ៍ទី២០ ខែសីហា ឆ្នាំ២០២២ គណនី Facebook ឈ្មោះ Bee Remix បានបង្ហោះទាំងស្រុងថា « សារផ្ញើរជូន លោកខេមរៈសេរីមន្ត មាស សុខសោភា ប៊ុន សាក់ ហ្សូណូ សុខពីសី សុខស្រីនាង ឆាយវិរៈយុទ្ធ ស៊ឹមថៃណា លីវ៉ាធីណា ។ល។..មានអ្នកចំរៀងជាច្រើនទៀត..រួមទាំងផលិតកម្មស្ទឹងសង្កែ U2 ssb m សាន់ដេ bd ។ល។ នេះជាអ្នកបង្កើតបទល្បីអោយអ្នកចំរៀងជាច្រើន កវីនិពន្ធនិងផលិតភ្លេងអោយអ្នកល្បី មកមើលគាត់ផង បងគង់ពិសទ្ធិ Piseth Kong គាត់ឈឺធ្ងន់ អាចទាក់ទងសួរនាំតាមអាខោនគាត់ខាងលើបាន »។

ក្រោយមានការបង្ហោះនេះរួចមក គេឃើញមានបណ្តាអ្នកសិល្បៈជាច្រើននាក់ រួមមាន លោក ឧកញ៉ា ខេមរ សេរីមន្ត បានបង្ហោះទាំងស្រុងថា « តោះដល់ពេលសិល្បៈយើងជួយគ្នាហើយ ប្អូនជូនបង៤លានរៀល ជួយសំរាលការលំបាកបងខ្លះ អាណិតបង Piseth Kongណាស់ មិននឹកស្មានថាបងឈឺធ្ងន់ដល់ថ្នាក់ហ្នឹង បងគង់ ពិសិដ្ធ ជាគ្រូភ្លេង និងសម្រួលតន្រ្តី ហើយតារាស្រុកយើងល្បីច្រើនណាស់ដោយសារគាត់ ជួយស៊ែរផង បងប្អូន ក្រែងបានដំណឹងដល់ សិស្សគាត់ និងសិល្បករដែលស្គាល់គាត់ លេខ ប្រពន្ធគាត់ 017986607 » មិនតែប៉ុណ្ណោះ ក៏មានដូចជា តារាចម្រៀងស្រី សុខ ស៊ីឡាលីន , ឆាយ វីរយុទ្ធ , ហ្សូណូ , សុខ ពិសី , លោក ម៉ៃ វឌ្ឍនា កវីជនបទ រួមទាំងតារាផ្សេងទៀត ក៏បានចូលរួមជា ថវិកា ជួយដល់គ្រួសាររបស់លោក គង់ ពិសិដ្ឋ ផងដែរ ។

អកុសល ដោយស្ថានភាពធ្ងន់ធ្ងរខ្លាំង នៅរសៀលថ្ងៃទី២១ ខែសីហា ឆ្នាំ២០២២ ចំថ្ងៃអាទិត្យម្សិលមិញ នេះ លោក គង់ ពិសិដ្ឋ ក៏ទទួលមរណភាព ដោយគណនីFacebook ឈ្មោះ Bee Remix បានសរសេរថា «ញាតិមិត្តប្អូនសិល្បៈទាំងអស់ សូមគោរពចូលរួមបុណ្យបង Piseth Kong កវីនិពន្ធនិងផលិតភ្លេង បងទៅ តែស្នាដៃបងនៅ មនុស្សគ្រប់គ្នានិងចង់ចាំអំពើល្អបង នេះលេខប្រពន្ធបងសិទ្ធ 017 986 607 (បើប្អូនមានលុយច្រើនធូរធារដូចគេ ប្អូនមិនទុកបងចោលទេ ភាពក្រធ្វើអោយបាត់បង់បង ) ។

សូមចូលរួមរំលេកទុក្ខផង ៕