មហាជនពិតជាស្គាល់ហើយ តារាសម្តែងប្រុស មាឌមាំ សាច់ដុំធំៗ ខ្ពស់សង្ហារ លោក ឆឹម សក្កដា ដែលជាតារាសម្តែងមួយរូប កំពុងទទួលបានប្រជាប្រិយភាពខ្លាំង នាពេលបច្ចុប្បន្ន និងកំពុងមមារញឹក ក្នុងការសម្តែងខ្សែភាពយន្ត និងថតស្ពតពាណិជ្ជកម្មជាច្រើន ។

ស្រាប់តែនៅថ្ងៃទី២២ ខែសីហា ឆ្នាំ២០២២ ម្សិលមិញនេះ លោក ឆឹម សក្កដា បានបង្ហោះសារក្នុងបណ្តាញសង្គម ដោយទ្រាំនឹងទុក្ខព្រួយមិនបាន សួរទៅកាន់ទេវតា ដែលកំពុងលេងសើចជាមួយនឹងលោក ។

ក្នុងនោះ លោក ឆឹម សក្កដា បានបង្ហោះថា « ម៉ែចូលពេទ្យ ម្សិលមិញ អ៊ំខ្ញុំស្លាប់ថ្ងៃនេះ! ទេវតាកំពុងលេងសើចជាមួយខ្ញុំហើយ » និងបានបង្ហោះទៀតថា « អរគុណបងប្អូន ដែលជូនពរអ្នកម៉ែខ្ញុំ ម្សិលមិញនេះគាត់វះកាត់បានជោគជ័យ និងមានសុវត្ថិភាពហើយ

តែគាត់យំខ្សិបតិចៗថាគាត់ឈឺខ្លាំងណាស់ » ។

ទន្ទឹមនឹងការបង្ហោះនេះ ក៏មានមហាជនជាច្រើន ចូលទៅខមមិនជូនពរ ដល់ម្តាយរបស់លោក ឲ្យឆាប់មានសុខភាពល្អ និងឆាប់ជាសះស្បើយផងដែរ៕