កាលពីថ្ងៃទី២០ ខែសីហា ឆ្នាំ២០២២កន្លងទៅ នៅឯខេត្តបាត់ដំបង គឺមានការប្រគុំតន្ត្រី« SKULL TOUR » របស់កំពូលតារាចម្រៀងរ៉េបដ៏ល្បី វណ្ណដា ដែលខេត្តបាត់ដំបងនេះ គឺជាខេត្តដំបូងគេ ក្នុងចំណោមការប្រគុំតន្ត្រី ៥ ខេត្តក្រុង របស់កំពូលតារាចម្រៀងរ៉េប រូបនេះ ។

ក្នុងប្រគុំតន្ត្រីនេះដែរ គឺបណ្តាអ្នកគាំទ្រជាច្រើន បានចូលរួមយ៉ាងច្រើនកុះករ រហូតមានហ្វេនៗខ្លះ រំភើបខ្លាំង ពេលបានជួប idol របស់ខ្លួនផ្ទាល់ ពិសេសនោះ នារីម្នាក់ បានរត់មកអោប វណ្ណដា ហើយយំដោយក្តីរំភើប ដោយមិននឹកស្មានដល់ ថែមទាំងបានថតរូប ទុកជាអនុស្សាវរីយ៍ថែមទៀត។

ដោយគណនីFacebook ឈ្មោះ Ny បានបង្ហោះនៅថ្ងៃទី២១ ខែសីហា ឆ្នាំ២០២២ ថា ក្តីស្រម៉ៃខ្ញុំក្លាយជាការពិតហើយ វណ្ណដា និងភ្ជាប់ជាមួយរូបភាព និងវីដេអូ ជាច្រើន ដែលធ្វើឲ្យមានការ Like និងShare យ៉ាងច្រើនផងដែរ ៕