ប្រិយមិត្តពិតជាស្គាល់ហើយ ម្ចាស់ពានរង្វង់កម្មវិធីលំដាប់ថ្នាក់ពិភពលោក គឺម្ចាស់ពាន X Factor Cambodia ចាន់ សុបញ្ញា និងម្ចាស់ពាន The Voice Kids Cambodia ពេជ្រ ថៃ ដែលកំពុងទទួលបានការគាំទ្រ ពីសំណាក់មហាជន ថែមទាំងកំពុងមមារញឹកជាមួយនឹងអាជីពជាចម្រៀងវ័យក្មេង ។

ទោះបីជាមមារញឹក និងអាជីពជាតារាចម្រៀងយ៉ាងណាក៏ដោយ អ្នកទាំង២ ក៏មិនបោះបង់ចោលការសិក្សា ដោយបានខិតខំរៀងសូត្រ រហូតប្រលងបាក់ឌុប នាពេលថ្មីនេះ ទទួលបានជោគជ័យថែមទៀត ។

ក្នុងនោះយោងតាមការបង្ហោះ របស់ ចាន់ សុបញ្ញា បានបង្ហោះថា«ទីបំផុត កូនប្រុសរបស់ពុកម៉ែធ្វើបានហើយ ម្ចាស់ជីវិតកូន» ខណៈពេជ្រ ថៃ ក៏បានបង្ហោះថា «ទីបំផុតខ្ញុំអាចធ្វើបានហើយ» ដោយមានភ្ជាប់ជាមួយលិខិតប្រកាសលទ្ធផលផ្លូវការរបស់ក្រសួងអប់រំ ដែលបង្ហាញពីការជាប់និទ្ទេស C ដូចគ្នា ។

សូមបញ្ជាក់ថា យោងតាមផេកផ្លូវការរបស់ក្រសួងអប់រំ យុវជន និងកីឡា បានបញ្ជាក់ឲ្យដឹងថា បេក្ខជនប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង ៖ ០៥ ធ្នូ ២០២២ សរុបចំនួន ៩០៩៥០នាក់ ត្រូវជា ៧២.៣៣ភាគរយ នៃចំនួនបេក្ខជនមកប្រឡង ។ ក្នុងនោះបេក្ខជនប្រឡងជាប់ សរុបចំនួន ៩០៩៥០នាក់ រួមមាន និទ្ទេសA = ១០៤៩ នាក់, និទ្ទេសB = ៧២៣២ នាក់ ,និទ្ទេសC = ១៩០៥៣នាក់ , និទ្ទេសD = ៣១១៦៦នាក់ និងនិទ្ទេសE = ៣២៤៥០ នាក់ ។ សូមចូលរួមអបអរសាទរផង ៕